Galdrasúpa eða drullumall?

Við erum með dásamlegt drullumallasvæði með eldhúsi á leikskólanum sem er alveg í uppáhaldi hjá mér. Það er hægt að vera þar með fullt af börnum á ýmsum aldri og tíminn bara flýgur af stað.

Þennan dag voru börnin að elda girnilega galdrasúpu í risastórum potti á ímyndaða eldstæðinu og hópurinn var mjög upptekinn af samvinnuverkefninu. Þegar súpan (og leikurinn) var búin að malla í tæp 20 mínútur var hún tilbúin, en var hún líka ljúffeng? Horfið á myndskeiðið til að sjá svarið!

Myndskeið

Uppskrift að galdrasúpu

Til að tengja drullumallsleikinn meira við læsi má stinga upp á því við börnin að skrifa niður uppskrift að galdrasúpunni áður en maður fer með þau út á drullusvæðið. Hér er dæmi (úr Vináttu-verkefninu með Blæ). Verði ykkur að góðu!

• Nornaslef
• Sniglaslím
• Hor úr halakörtum
• úldið vatn
• gamalt lím
• tröllavörtur
• blandað vel og látið malla